საქართველოს ტურიზმის სფეროს წარმომადგენლების მონაწილეობა ყოველწლიურ საერთაშორისო ფორუმში - ATM (Arabian Travel Market)
2026 წლის 14-17 სექტემბერს, დუბაიში ჩატარდა ტურიზმის ინდუსტრიის ერთ-ერთი უმსხვილესი ყოველწლიური საერთაშორისო ფორუმი - ATM (Arabian Travel Market), რომელშიც მონაწილეობა მიიღეს საქართველოს ტურიზმის ეროვნული ადმინისტრაციის, აჭარის ტურიზმის დეპარტამენტის, იმერეთის დანიშნულების ადგილის მართვის ორგანიზაციისა და 32 ქართული კომპანიის წარმომადგენლებმა. ღონისძიებაში 156 ქვეყნის ტურიზმისა და მოგზაურობის სფეროს წარმომადგენლები მონაწილეობდნენ.
ფორუმზე საქართველო წარმოდგენილი იყო სპეციალური საპრეზენტაციო სტენდით, სადაც მსურველებს ქვეყნის ტურისტული პოტენციალის შესახებ დეტალური ინფორმაციის მიღების შესაძლებლობა ჰქონდათ. საქართველოს სტენდმა დამთვალიერებელთა განსაკუთრებული ყურადღება დაიმსახურა.