სიმღერისა და ცეკვის სახელმწიფო აკადემიური ანსამბლი "აფხაზეთის" დებიუტი არაბთა გაერთიანებულ საამიროებში
ა.წ. 2 ნოემბერს, ქ. დუბაის თეატრ “Zabeel”-ში გაიმართა სიმღერისა და ცეკვის სახელმწიფო აკადემიური ანსამბლი „აფხაზეთის“ პირველი კონცერტი. ქართული ეროვნული კულტურის ეს მორიგი დღესასწაული არაბთა გაერთიანებულ საამიროებში დიდი წარმატებით ჩატარდა.
ამასთან დაკავშირებით, საქართველოს საელჩოს აქვს პატივი გულითადად მიულოცოს ანსამბლ „აფხაზეთის“ თითოეულ წევრს ეს წარმატებული დებიუტი საამიროებში.
ანსამბლის პირველ კონცერტს დაესწრნენ არაბთა გაერთიანებულ საამიროებში საქართველოს საელჩოს წარმომადგენლები.
